ನೀನಂದ್ರೆ ನಂಗಿಷ್ಟ,,,,,,,

Spread the love

ಪದೇ ಪದೇ ನೇನಪಾಗುತ್ತೀಯ
ದಿನವಿಡಿ ಕಾಡುತ್ತೀಯ
ನಿನ್ನೆನಪಿನ ಸುರಿಮಳೆಯ

ನೀನೊಂದು ಅದ್ಭುತ ಪರಿಚಯ
ನೀನಿದ್ದರೆ ಬದುಕೇ ರಸಮಯ
ಮನೆ ಮಿಡಿಯುತ್ತಿದೆ ಇನಿಯ
ನೀನಿರಬೇಕು ಸನಿಯ

ಕನಸಲು ಕನವರಿಸುವ ನಿನ್ನ ಧ್ವನಿಯ
ಪ್ರತಿ ಮಿಡಿತದಲ್ಲೂ ನುಡಿಸುತ್ತಿದೆ ನಾದಮಯ
ಎಬ್ಬಿಸುತ್ತಿದೇ ಭಾವನೆಗಳ ಅಲೆಯ
ಬಿಡಿಸುತ್ತಿದೆ ಹೃದಯದಲ್ಲಿ ಪ್ರೀತಿಯ ರಂಗೋಲಿಯ

ನೀನಂದ್ರೆ ನಂಗಿಷ್ಟ

ನಿನ್ನ ಮಾತುಗಳ ಆಲಿಸುತ್ತಿದ್ದರೆ
ಕರ್ಣಗಳಿಗೆ ನಾರದ ಇಂಪು
ಮುಂಗುರುಳ ಸರಸಿ ನೋಡುತ್ತಿದ್ದರೆ
ಹೆಚ್ಚುತ್ತಿದೆ ನನ್ನದರಗಳಲಿ ಕೆಂಪು

ನೀನೊಮ್ಮೆ ಹತ್ತಿರ ಬಂದರೆ
ನಾಚಿ ನೀರಾಗುವ ವದನ
ನಿನ್ನ ಮುಗುಳುನಗೆ ಕಂಡರೆ
ಮನವೆಲ್ಲ ಅರಳಿದ ಹೂಬನ

ಕಾಣದಿದ್ದರೆ ನಿನ್ನ ಮೊಗ
ಉಸಿರು ಸಿಕ್ಕಿಹಾಕಿಕೊಂಡಷ್ಟು ಕಷ್ಟ
ನಿನಗಾಗಿ ಹಾಕುತ್ತಿರುವೆ ಲಾಗ
ಯಾಕಂದ್ರೆ ನೀನಂದ್ರೆ ನಂಗಿಷ್ಟ…

ಜಾನಕಿ.ಜಿ.
ತಾ/ಸೊಂಡೂರು

Leave a Reply

Your email address will not be published. Required fields are marked *